الكسكسي بالحوت الليبي على طريقة أمي الحبيبه بالصور

ح

حفوصه

عروس مشرقة

09-05-2010 | 02:14 PM

سلامات يا حبوبات :032:

العضوات والزوار

هدا موضوعي التاني في هالركن يعني تاني وصفه "إدا عجبتكم نبي تشجيع قوي منكم ودعاء لأمي":045:

بسم الله أبدأ

المقادير :
لكيلو كسكسي يعني ل8 أشخاص مثلا
1 كيلو كسكسي يابس متع الحوش "شغل البيت" أو الجاهز ما يفرقش /راس ثوم مقشر / سمكه متوسطه منظفه و مقطعه جرار "حلقات" / ليمه "ليمونه" / م ص فلفل أسود / 1 م ك كمون حوت "سمك" /1 م ك ملح / 3 م ك طماطم حكه"معجون طماطم جاهز" /نص م ص بزار "كركم" / ثلث ك زيت نباتي أو زيتون / اميه "ماء" ممكن لترين مبدئيا وبعدين يتبخر مع الطبخ / م ص بهارات / نص م ص قرنفل مطحون "مسمار" /م ك فلفل أحمر حار "نقلل الكميه للي مايحبش الحار" ..

Uploaded with ImageShack.us

بطاطا , وبدنجال"بدنجان" , وقرعه كوسه , وفلفل :: نقلوهم للزينه ومقبلات مع الكسكسي

الطريقه :
نغسل الكسكسي لو كان بيتي ونصفيه كويس ونجففه بوضعه في صونيه "طبق" كبيره .

ناخد طنجره ونحط فيها الزيت ونحط فيها نص كمية الثوم المهروس ونحرك لحد ما تصفر الثومه "في الصوره شويه طابت الثومه مننا زياده" وبعدها على طول نحط الطماطم ونشكشكه "نخليه يتسبك" بعد شويه نحط عليه الملح والفلفل الأحمر والبزار ونص كمية" الفلفل الأسود ، القرنفل ".. وبعد التحريك نصب الميه وخليها على النار تغلي .

ناخد باقي كمية الثومه المهروسه ونحطها على الحوت مع الكمون وعصير ليمه صغيره ونحركه ونخليه يتبل

بعد ما تغلي الطبيخه كويس وتبدأ تتختر يعني مش هلبا نخفف عليها النار ونلاحظ إنه الزيت بدي يطفح فوق نصفيه بملعقه كبيره ونحبب بيه الكسكسي اللي جف

وبعد ما نحبب الكسكسي نحطوه في الكسكاس متع نفس الطنجره ونرجعهم على النار لحد ما يبوخ الكسكسي وما يحتاجش بعد ما يبدأ يطلع منه البخار لأكثر من ربع ساعه ويطيب
وبعد ما يبدا البخار يطلع من الكسكسي نقيم الكسكاس ونشوف المرقه نلقاها خاتره "متسبكه" نحط فيها قطع الحوت ونرجع الكسكاس ونخليهم شويه لحد ما يطيب الحوت وما ياخدش وقت دقايق بس ..

يعني تمر الربع ساعه ونطفي النار ونحط الكسكسي في صونيه واسعه شويه ونحط عليه شويه كمون حوت وباقي القرنفل وشوييية ماء زهر و"هادي حسب الرغبه" ونصب عليه كميه من المرقه وهو سخون ونحرك

نزيد عليه من المرقه ونحرك لكن مش لدرجة يتبلل هلبا لا بس ياخد نكهة الحوت
نحطه في صحن التقديم ونسقيه بالمرقه ونزينه بقطع الحوت والمقليات وشرائح الليم والفلفل المقلي
وهدا شكله النهائي والطعم خيالي اممممم

وصحتين وعافيه علي قلوبكم :087:

طبعا النقل مسموح مع دكر المصدر ودعوه صادقه لأمي بظهر الغيب بالشفاء من كل داء وطول العمر بصحه وعافيه :084:أماااااااااانه

إدا عجبكم لا تحرموني الردود و..قيموني إدا يستاهل المجهود

p

pink life

عروس ماسية

09-05-2010 | 02:19 PM

تسلم الايادي على هالطبق ، و الله يخلي لك امك و يعطيخا الصحة و يبارك فعمرها

L

LoLo Wa BaS

عروس برونزية

09-05-2010 | 02:53 PM

يسلموا يا قمر
بس انا لمن ابوخ الكسكسي يعجن ما بعرف ليش فيا ريت تقولي شو المشكلة فيه

ح

حفوصه

عروس مشرقة

09-05-2010 | 03:15 PM

مغربية اصيلة;12027541:
تسلم الايادي على هالطبق ، و الله يخلي لك امك و يعطيخا الصحة و يبارك فعمرها

الله يسلمك ويجزيك خير على الدعوات ويتقبل منك ويحفظلك أحبابك

Lolo wo bas;12027831:
يسلموا يا قمر
بس انا لمن ابوخ الكسكسي يعجن ما بعرف ليش فيا ريت تقولي شو المشكلة فيه

الله يسلمك يا عثل
الكسكسي لو جاهز مش عارفه لأني ما نستخدمش في
بس ممكن ما ينغسلش وإنتي تغسلي فيه
يعني الجاهز ممكن يتبلل شويه بميه ويتحبب بزيت قبل ما تحطيه في الكسكاس على ما أعتقد
والبيتي لا ما فيش مشكله ينغسل وما يصيرله شي
وإن شأء الله الأخوات يفيدوك أكثر
شكرا للمرور

*

*الننس*

عروس مشرقة

09-05-2010 | 04:09 PM

يا سلام على هالكسكسي
يسلمو الأيادي
و ربي يطول في عمر أمك و يعطيها الصحة

a

anosa 1

عروس متألقة

09-05-2010 | 04:33 PM

تسلم ايدياتك علي الكسكسي سفهتيني
ربي يخليلك أمك ويشفيها من كل داء ويطول في عمرها

a

anosa 1

عروس متألقة

09-05-2010 | 04:43 PM

بس عندي سؤال لو سمحتي شن هي أنواع الحوت اللي
تمشي مع الكسكسي نبي نجرب طريقتك ونتعلم انطيبه
منعرفش انطيب كسكسي بالحوت ومشكورة هلبااااا

ح

حفوصه

عروس مشرقة

09-05-2010 | 04:58 PM

*الننس*;12028584:
يا سلام على هالكسكسي

يسلمو الأيادي

و ربي يطول في عمر أمك و يعطيها الصحة

الله يسلمك ويجازيك الخير على الدعوات

anosa 1;12028771:
تسلم ايدياتك علي الكسكسي سفهتيني
ربي يخليلك أمك ويشفيها من كل داء ويطول في عمرها

بارك الله فيك وتفضلي يا سمحه الصونيه كلها ليك
وجزاك الله خيرا على الدعاء

anosa 1;12028847:

بس عندي سؤال لو سمحتي شن هي أنواع الحوت اللي
تمشي مع الكسكسي نبي نجرب طريقتك ونتعلم انطيبه
منعرفش انطيب كسكسي بالحوت ومشكورة هلبااااا

الشكر لله
وهوا زي ما شفتي ساهل تطييبه والبنه الله يا سلام

وأني نفضل الفروج "هدا الإسم في ليبيا " وبقي الأنواع نسيت توا . بس إن شاء الله حانسأل اميمتي ونرد

ت

تحكمني قناعاتـي

مشرفة سابقة

09-05-2010 | 08:05 PM

السلام عليكم ورحمه الله وبركاته

ماشاء الله طبق حلو تسلم ايادي الماما

ويعطيك الف عافية ع الموضوع الحلو

في امان الله

m

miid

عروس مشرقة

10-05-2010 | 02:15 AM

امممممممم جوعتيني الله يعطيك الصحيحه علي ها الكسكسو ويناولك ما في بالك...

ب

بناتى حياتى

عروس ماسية

10-05-2010 | 05:30 AM

تسلم ايدك

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

10-05-2010 | 05:57 AM

يسلمو يا قمر ايديكي وايدين مامتك روعه جدا
بس يا ريت المرات الجايه تكتبي اسمك على الصور
ويعطيكي العافيه

ا

اموره2062011

عروس مشرقة

10-05-2010 | 11:28 AM

ماشاء الله ولاقوة الى بالله
يسلمو ايدياتك حفوصة فعلا شكله حلو واكيد بنته احلى
ربي يخليلك امك ويحفظها ويصلح بالها ويقر عينها فيكم يارب

ا

العبيدية

مشرفة سابقة

10-05-2010 | 11:29 AM

تسلم ايدك ..للاخت الي سالت عن الكسكسوانه يتعجن اذاكان جاهزاي الي بالاكياس نضع عليه اول مره حوالي ثلاث ملاعق زيت ويفرك باليد ثم نضيف حوالي نصف كوب ماء عادي ونفرك ويوضع بالكسكاس ويبوخ عالبخارربع ساعة ويرفع ويفرك مره اخرى ويضاف في كل مره اماكوب صغيرماء اومن الطبيخة اذاكانت هلبه وتعمل هذه الطريقة ثلاث مرات مابين الواحدة والاخرى ربع ساعة...

ن

نرجس الشرق

عروس برونزية

10-05-2010 | 01:33 PM

Lolo wo bas;12027831:
يسلموا يا قمر
بس انا لمن ابوخ الكسكسي يعجن ما بعرف ليش فيا ريت تقولي شو المشكلة فيه

ممكن لانك لما تحطيه بيش يتبوخ تغطي فيه هو ما يتغطش ع طول في الول ايتبوخ فترة بدون تغطي و بعدها يتغطي انتمني انكون فدتك

ن

نرجس الشرق

عروس برونزية

10-05-2010 | 01:36 PM

تسلم ايدماما يا حفوصة ربي يخليها لكي ويطول في عمرها

ح

حفوصه

عروس مشرقة

10-05-2010 | 07:41 PM

الله يسلمكم يا عسولا ت

فرحتوني بردودكم والحق شجعتوني

الله يكتبلكم بالدعوات المثل

وبالنسبه للإسم أختي مادا أقول أني مشاركه في منتديات تانيه بإسم تاني وحتى اللي ما خلانيش نكتبه استعجلت في تنزيل الموضوع أمي كانت عندها عمليه وقلت خلى يدعولها

وربي يستجيب ويشفي مرضانا ومرضى المسلمين

ح

حفوصه

عروس مشرقة

11-05-2010 | 01:19 AM

شكرا للنقل :thumbs_up: وأرجو الإستفاده للجميع

ه

هونيدا

عروس رائعة

11-05-2010 | 12:12 PM

تسلم الايادي على هالطبق ،
و الله يخلي لك امك و يعطيخا الصحة و يبارك فعمرها

ا

احن ام

عروس برونزية

11-05-2010 | 04:01 PM

مممممممممم حلو كثير